Ek naya geet gaana chahata hoon
Kuchh naya banana chahata hoon
Jo jeevan ne kheench di hain
Main har wo lakeer mitana chahata hoon
Tan thaka hua hai, kaaya maili
Man par ek bojhil shaam hai phaili
Raat se bhi kuchh door chale jo
wo swapana sajana chahata hoon
Kuchh naya banana chahata hoon
Bandha hua hoon, daas nahin hoon
Sisake, rah jaye, wo aas nahin hoon
bhabhake, bujh jaye, wo aag nahin hoon
lekin phir bhi chup hoon kyonki
aam hoon main kuchh khaas nahin hoon…
Friday, February 01, 2008
Subscribe to:
Posts (Atom)
